នាព្រឹកថ្ងៃទី៥ ខែមិថុនា ឆ្នាំ២០២៣ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ លោក ដា ទឹង ប្រធានក្រុមប្រឹក្សាស្រុក លោក លឿង សុភក្តិ អភិបាលស្រុក លោក អ៊ិន ពៅ នាយកក្រុមហ៊ុនទឹកស្អាតស្រុកស្វាយចេក បានអញ្ជើញចុះពិនិត្យប្រភពទឹកអាងខ្វាវកើត ឃុំរលួស ស្រុកស្វាយចេក ខេត្តបន្ទាយមានជ័យ ព្រមទាំងបានកាយប្រឡាយបង្ហូរទឹកមកកៀកជិតស្ទឹង ដើម្បីបូមបញ្ជូលក្នុងស្ទឹងជូនប្រជាពលរដ្ឋប្រើប្រាស់។ ឯកឧត្ដម និងក្រមការងារបន្តដំណើរទៅភូមិប្រិយ៍ ឃុំទ្រាស់ រួមជាមួយវិស្វ័ករក្រុមជាងរៀបចំធ្វើលូជ្រុងបន្ថែមនៅចំហៀងលូចាស់ ដែលមានស្រាប់២កន្លែង ដើម្បីរំដោះទឹកនៅរដូវវស្សាជន់លិចនាពេលខាងមុខ។ ឯកឧត្ដម និងក្រមការងារ បានបន្តជួបសំណេះសំណាលជាមួយ លោកនាយក លោកគ្រូ អ្នកគ្រូ សាលាបឋមសិក្សាប្រិយ៍ ឃុំទ្រាស់ ស្រុកស្វាយចេក និងបានឧបត្ថម្ភថវិកា ចំនួន៨០០.០០០រៀល ក្នុងការចូលរួមកសាងបល្ល័ង្កតម្កល់បរមរូបព្រះបាទជ័យវរ្ម័នទី៧ លូ ចំនួន១០កង់ និងបានឧបត្ថម្ភថវិកាសម្រាប់រៀបចំអាហារសាមគ្គីផងដែរ។
